أخبار العالم : أول تعليق من شقيقة الطفل المنتحر بسبب عنف والده

نافذة على العالم - كشفت آية شقيقة الطفل المنتحر، تفاصيل قيام شقيقها بالإقدام على الانتحار بسبب عنف والده ضده وقيامه بضربه باستمرار.

ضرب بالخرطوم 

وقالت شقيقة الطفل المنتحر في اتصال هاتفي ببرنامج "خلاصة الكلام" المذاع على فضائية "النهار"، "أنا مكملتش تعليمي علشان المصاريف بشتغل مع محامية ترخيص عربيات مرور".

وأضافت "بصرف على نفسي وأنا منعزلة عن بابا وكنت عايشة مع عمي، وأمي اتجوزت بعد أبويا وجوزها كان كويس معايا وأحسن من أبويا".

وتابعت "أبويا كان شديد عليه بيضربه بايده والخرطوم والعصاية، قبل ما انتحر ضربه بالكرسي والشلاليط وأيده أنا كنت دايما بدافع عنه".

زهق من عيشته 

واستطردت "هو كان حاسس أن الكل جاي عليه وبسبب ضرب أبويا مش عارفة ازاي فكر في الانتحار ولكن بسبب العنف مكنش لاقي راحة اللي خلى الطفل يشوف أن الموت راحة بالنسبة له".

وأردف "كان دايما بيقول أنا زهقت يارب يخدني كنت بهون عليه، هو نزل الشغل جنب المدرسة علشان كان نفسه في تليفون وأبويا كان بيأخذ منه فلوس".